Bakkabræður

 

Þeir Böðvar Guðmundsson, Heimir Pálsson og Kristinn Jóhannesson eiga það sameiginlegt að hafa búið erlendis um árabil, Kristinn í Gautaborg og Heimir í Uppsölum í Svíþjóð og Böðvar í Nivå í Danmörku. Þannig háttar til að þeir búa allir á bökkum misstórra vatnsfalla, Nivår, Gautelfar og Fýrisár og eru því í þeim skilningi Bakka-bræður.

​

Böðvar Guðmundsson er rithöfundur, ljóðskáld og þýðandi. Hann hlaut m.a. Íslensku bókmenntaverðlaunin árið 1996 fyrir skáldsöguna Lífsins tré, sjálfstætt framhald Híbýla vindanna. Þessar bækur eru oft saman kallaðar vesturfarasögurnar.

​

Heimir Pálsson er rithöfundur, þýðandi og fyrrverandi kennari við MH og lektor við Institutionen för nordiska språk við Háskólann í Uppsölum.

​

Kristinn Jóhannesson kennari, kórstjóri, þýðandi og ritstjóri var lengi lektor í íslensku í Svíþjóð, bæði í Lundi og Gautaborg. 

​