Anna Fjóla Gísladóttir

 

Anna Fjóla Gísladóttir lauk stúdentsprófi á listasviði frá Fjölbrautaskólanum í Breiðholti 1979, sveinsprófi í ljósmyndun og öðlaðist síðan meistararéttindi í þeirri grein 1987 og lauk kennsluréttindanámi fyrir framhaldsskólakennara frá KHÍ 2008. Anna Fjóla starfaði við Ljósmyndasafn Reykjavíkurborgar í nokkur ár en eftir það starfrækti hún sína eigin ljósmyndastofu í iðnaðar- og auglýsingaljósmyndun. Þá var Anna Fjóla stundakennari við Listaháskóla Íslands í nokkur ár og kenndi einnig á ljósmyndabraut við Tækniskólann. Hin síðari ár, allt fram til ársins 2025, starfaði Anna Fjóla við hótelrekstur á Suðurlandi.

 

Anna Fjóla var formaður Ljósmyndarafélags Íslands um skeið. Hún hefur tekið þátt í fjölda ljósmyndasýninga, hér á landi og erlendis. Hún er höfundur bókanna Hestur guðanna, útg. 2006, og Akureyri og nágrenni í Eyjafirði (ásamt Gísla B. Björnssyni) útg. 2010.